МСК новости
Отворен повик за ангажирање на 6 професионални медиа тренери
Објавено на Октомври 2026
Младински Сојуз
– Крушево, во рамки на проектот „PRO PEACE: Youth Path Towards UnfreezingRegional Trust, Stability and Security“, објавува отворен повик за ангажирање
на 6 професионални медија тренери кои ќе обезбедат менторска и
експертска поддршка на младински тимови во процесот на развивање и спроведување
дигитални мировни микро-кампањи.
Повикот е
наменет за искусни тренери, медиумски професионалци и експерти со практично
искуство во една или повеќе од следните области:
- дигитална
писменост;
- онлајн
безбедност;
- справување со
дезинформации;
- про-мировна
комуникација;
- проверка на
факти;
- креирање
дигитални содржини и кампањи.
Која ќе биде
улогата на избраните тренери?
Избраните
тренери ќе работат со млади луѓе од Северна Македонија, Косово и Србија,
организирани во регионални тимови кои ќе развиваат сопствени дигитални мировни
микро-кампањи.
Нивната улога
ќе биде да обезбедат практична и менторска поддршка во процесот на осмислување,
развивање и финализирање на кампањите, пренесувајќи знаења и алатки за
одговорно користење на дигиталните медиуми, препознавање и справување со
дезинформации, креирање квалитетни содржини и комуницирање пораки кои
промовираат мир, толеранција, солидарност и меѓусебно разбирање.
Работата со
младинските тимови ќе се реализира онлајн, во текот на октомври и ноември 2026
година.
За
проектот
Дигиталните
мировни микро-кампањи се дел од проектот „PRO PEACE: Youth Path Towards
Unfreezing Regional Trust, Stability and Security“, чија цел е да ги поврзе
младите од Северна Македонија, Косово и Србија и да го зајакне нивниот
капацитет за спротивставување на дезинформации, поделби и негативни наративи
преку креативни и младински предводени иницијативи.
Преку оваа
активност, младите ќе работат во мешани регионални тимови и ќе создадат
дигитални содржини и кампањи кои придонесуваат кон градење доверба, меѓуетничка
солидарност и култура на мир.
Период и
формат на ангажман
Период:
октомври - ноември 2026
Формат: онлајн
Број на
тренери: 6
Како да
аплицирате?
Заинтересираните кандидати треба да го прочитаат целосниот повик, каде што се наведени условите за ангажман, потребната документација и начинот на аплицирање.
Целосниот повике достапен на следниот линк.




