МСК новости
Отворен повик за 5 млади луѓе од Северна Македонија
Објавено на Ноември 2026
Младински Сојуз – Крушево објавува
отворен повик за избор на 5 млади луѓе од Северна Македонија кои ќе
станат дел од Youth DigiZone - регионална иницијатива која ги поврзува младите
преку дигитална креативност, раскажување приказни и креирање содржини за
социјалните медиуми.
Повикот е наменет за млади на возраст од 18 до 30 години кои имаат интерес за дигитални медиуми, креирање содржини, storytelling и комуникација и кои сакаат своите идеи да ги претворат во реални регионални дигитални кампањи. Не е потребно претходно професионално искуство. Најважни се креативноста, мотивацијата, интересот за дигитална комуникација и желбата за соработка со млади од регионот.
Што ќе прават избраните учесници?
Избраните учесници ќе станат дел од Youth DigiZone и ќе работат заедно со млади од Косово, Србија, Црна Гора, Босна и Херцеговина и Грција. Во рамки на активностите, тие ќе имаат можност да:
- креираат дигитални приказни и
кампањи за социјалните медиуми;
- учествуваат во менторски процес и
практична обука за развивање нови дигитални вештини;
- работат на регионални младински
приказни и содржини со обезбеден буџет за нивна реализација;
- соработуваат со млади креативци од
регионот;
- ги претстават своите идеи и содржини
пред поширока регионална публика.
Целта е младите да го користат
дигиталниот простор не само како место за консумирање содржини, туку како
простор за креативност, поврзување, размена на идеи и поголема видливост на
младинскиот глас.
За Youth DigiZone
Youth DigiZone е простор за
регионална младинска соработка преку дигитални медиуми и креативни содржини.
Иницијативата ги поврзува младите од регионот и им овозможува заеднички да
развиваат приказни, кампањи и содржини кои ги претставуваат нивните перспективи,
идеи и теми што им се важни.
Преку практична работа, менторство и
регионална соработка, учесниците ќе ги зајакнат своите вештини за креирање
дигитални содржини и ќе придонесат кон создавање посилен и повидлив младински
глас во дигиталниот простор.
Кој може да аплицира?
Млади лица од Северна Македонија на
возраст од 18 до 30 години кои:
- имаат интерес за дигитални медиуми и
креирање содржини;
- имаат креативни идеи и желба да
раскажуваат приказни;
- се мотивирани да работат во
регионален тим;
- имаат интерес за младински теми и
регионална соработка;
- се подготвени активно да учествуваат
во предвидените активности.
Како да аплицирате?
Заинтересираните кандидати треба да достават: CV и мотивациско писмо, на nina@youthalliance.org.mk, најдоцна до 30 октомври 2026 година.
Целосниот повик со повеќе информации
за активностите и начинот на учество е достапен на следниот линк.



